ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງຊຽງຂວາງ

Xiengkhouang Province, Department of Posts and Telecommunications

Get Adobe Flash player

ເຊື່ອມໂຍງເວັບໄຊ໌ອື່ນໆ

ເຂົ້າສູ່ລະບົບ

  ໃນ​ຕອນ​​ແລງ ເວລາ 13 ​ໂມງ 30 ນາທີ ຂອງ​ວັນ​ທີ 04 ຕຸລາ 2018 ຢູ່​ທີ່​ຫ້ອງ​ປະຊຸມ​ຂອງບໍລິສັດ ອີ​ທີ​ແອ​ລ ຈໍາກັດ ສາຂາ​ແຂວງ ​ໄດ້​ຈັດ​ກອງ​ປະຊຸມປຶກສາຫາລືວິຊາ​ການຮ່ວມ​ລະຫວ່າງ​ພະ​ແນ​ກກັບບັນດາ ​ບໍລິສັດ ​ຂົງ​ເຂດ ປທສ ​ແຂວງ​ຂຶ້ນໂດຍ​ການ​ເປັນ​ປະທານ​ຂອງ​ ທ່ານ ຫວາ​ຢ່າ ໝອກ​ພູ​ເຂົາ ຫົວໜ້າພະແນກ ປທສ ແຂວງ

​ແລະ ມີ​ບັນດາຜູ້ແທນເຂົ້າຮ່ວມກອງປະຊຸມຄື: ຮອງ​ຫົວໜ້າ​ພະ​ແນ​ກ ປທສ ​ແຂວງ, ຫົວໜ້າ​-ຮອງ​ຫົວໜ້າ​ຂະ​ແໜງ, ບັນດາ​ຫົວໜ້າ-ຮອງ​ຫົວໜ້າອໍານວຍ​ການ​ສາຂາ, ວິຊາ​ການ​ຂອງ​ພະ​ແນ​ກ ປທສ ​​ແລະ ບໍລິສັດ​ເຂົ້າ​ຮ່ວມ​ ຈໍານວນ 20 ຄົນ.

ຈຸດປະສົງ​ຂອງ​ກອງ​ປະຊຸມ​ມີ​ຄື:

ຄົ້ນ​ຄ້ວາ ​ແລະ ປຶກສາ​ຫາລືຂອດ​ການປະສານ​ງານວຽກ​ງານ​ວິຊາ​ການ​ລະຫວ່າງ​ພະ​ແນ​ກ ປທສ ກັບ​ບັນດາ​ບໍລິສັດ, ລັດ​ວິ​ສາ​ຫະກິດ​ສາຂາ​ແຂວງ ​ທີ່​ເຫັນ​​ໄດ້​ວ່າ​ຍັງ​ມີ​ວຽກ​ງານ​ຈໍານວນ​ໜຶ່ງ​ປະຕິບັດບໍ່​ທັນ​ຖືກຕ້ອງ​ຕາມ​ລະບຽບ​ຫຼັກ​ການ, ນິຕິ​ກໍາ ​ແລະ ກົດໝາຍ​ຂອງ​ຂັ້ນ​ເທິງ ​ໂດຍ​ສະ​ເພາະ​ແມ່ນນິຕິ​ກໍາ​ຂອງກະຊວງ ປທສ ​ວາງ​ອອກ ຄື.

  1. ການ​ຂະຫຍາຍ ​ແລະ ​ຕິດ​ຕັ້ງ​ເສົາ​ຮັບ-​ສົ່ງ​ສັນຍານ​ໂທລະສັບ ( BTS );
  2. ການ​ຂະຫຍາຍ​ອິນ​ເຕີ​​​ເນັດ;
  3. ວຽກງານ​ສະຖິຕິ;
  4. ການ​ຂຶ້ນ​ທະບຽນ​ເລກ​ໝາຍ​ໂທລະສັບ;
  5. ຕົວ​ແທນ​ຈາໍໜ່າຍ​ຊິ​ມຄາດ;
  6. ​ບັນຫາ​ເງິນ​ກູ້ ​ແລະ ດິນ​ໄປສະນີ.

​ຜ່ານ​ການຄົ້ນ​ຄ້ວາ ​ແລະ ປຶກສາ​ຫາລື ບັນດາ​ຜູ້​ແທນ​ກອງ​ປະຊຸມໄດ້​ປະກອບ​ຄໍາ​ຄິດ​ຄໍາ​ເຫັນຢ່າງ​ສ້າງສັນ ​ແລະ ກົງ​ໄປ​ກົງ​ມາ​ແລ້ວ​ຕົກລົງ​ເຫັນ​ດີ​ເປັນ​ເອກະ​ພາບ ​ຄື:

  1. ​ເຫັນ​ດີ​ໃຫ້​ບັນດາ​ບໍລິສັດ, ລັດ​ວິ​ສາ​ຫະກິດ​ໂທລະ​ຄົມ ສາຂາ​ແຂວງ ສະໜອງ​ຂໍ້​ມູນ​ການ​ຂະຫຍາຍ​ອິນ​ເຕີ​ເນັດ​ກາ​ແຟ, ຟຣີວາຍ​ຟາຍ ຢູ່​ບັນດາ​ໂຮງ​ແຮມ, ​ເຮືອນ​ພັກ ​ແລະ ຮ້ານ​ອາຫານ ພ້ອມ​ແນະ​ນໍາ​​ລູກ​ຄ້າ​ໃຫ້​​ເຂົ້າ​ໃຈຕໍ່​ພາລະ​ບົດບາດ, ສິດ ​ແລະ ໜ້າ​ທີ່​ ​ແລະ ​ໃຫ້ຄວາມ​ຮ່ວມ​ມື​ໃນ​ການ​ຄຸ້ມ​ຄອງ​ຂ​ອງພະ​ແນ​ກ.
  2. ການ​ຂະຫຍາຍ​​ເສົາ​ຮັບ-​ສົ່ງ​ສັນຍານ​ໂທລະສັບ​ແມ່ນ​ໃຫ້​ປະຕິບັດ​ ຄື:
    • ຖ້າ​ຫາກ​ວ່າ​ບໍລິສັດ​ໃດ​ມີ​ແຜນ​ຈະ​ຂະຫຍາຍ​ການ​ຕິດ​ຕັ້ງ​ເສົາ​ຮັບ -​ ສົງ​ສັນຍານ​ໂທລະສັບ​ແມ່ນ​ຕ້ອງ​ສະ​ເໜີ​   ພະ​ແນ​ກ ປທສ ຮັບ​ຮູ້​ກ່ອນຕິດ​ຕັ້ງ ​ເພື່ອ​ໃຫ້​ຖືກຕ້ອງ​ຕາມລະບຽບ​ການ.
    • ສໍາລັບ​ພະນັກງານ​ຂອງ​ພະ​ແນ​ກ ປທສ ​ແຂວງ ​ແລະ ພະ​ແນ​ກການ​ທີ່​ກ່ຽວຂ້ອງ ລົງກວດກາ​ການ​ຕິດ​ຕັ້ງ​ເສົາ​ຮັບ-​ສົ່ງ​ສັນຍານ​ໂທລະສັບ​ນໍາບັນດາ​ບໍລິສັດ​ສາຂາ ​ແມ່ນ​ບໍລິສັດ​ເປັນ​ຝ່າຍ​ຮັບຜິດຊອບ​ຄ່າ​ສິ້ນ​ເປືອງຕ່າງໆ.
    • ການ​ລົງ​ກວດກາ​ຢູ່​ຂັ້ນ​ເມືອງ​ ແມ່ນ​ໃຫ້​ນໍາ​ໃຊ້​ພະນັກງານ​ຂອງ​ພະ​ແນ​ກການ​ທີ່​ກ່ຽວຂ້ອງ​ຢູ່​ຂັ້ນ​ເມືອງ.
  3. ການ​ລາຍ​ງານ​ວຽກ​ງານ​ສະຖິຕິ​ຂອງ​ບັນດາ​ບໍລິສັດ ສາຂາ​ ໃຫ້​ພະ​ແນ​ກ​​ນັ້ນຕ້ອງ​ເປັນ​ຂໍ້​ມູນ​ທີ່​ຊັດ​ເຈນ, ຖືກຕ້ອງ​ຕາມ​ຄວາມ​ເປັນ​ຈິງ, ຕາມ​ແບບ​ຟອມທີ່​ພະ​ແນ​ກກໍານົດ​ໃຫ້ ​ແລະ ກໍານົດ​ເອົາ​ວັນ​ທີ 20 ຂອງ​ທຸກໆ​ເດືອນ.
  4. ລະບຽບ​ການ​​ໃນ​ການ​ຄຸ້ມ​ຄອງ​ການ​ລົງ​ທະບຽນ​ເລກ​ໝາຍ​ໂທລະສັບ ​ແລະ ບັນດາ​ຮ້ານ​ຈໍາໜ່າຍ​ຊິ​ມຄາດຂອງ​ບັນດາ​ບໍລິສັດ​ສາຂາ ພະ​ແນ​ກຈະ​ນໍາ​ໄປຄົ້ນ​ຄ້ວາ​ຄືນ​ໃນ​ຂອດ​ການຈັດ​ຕັ້ງ​ປະຕິບັດ​ຕໍ່​ໄປ.
  5. ​ໃຫ້​ບໍລິສັດ ລັດ​ວິ​ສາ​ຫະກິດ​ໄປສະນີ​ລາວ ສາຂາ​ແຂວງ ສືບ​ຕໍ່​ຄົ້ນ​ຄ້ວາ​ແກ້​ໄຂ​ບັນຫາ​ໜີ້​ສິນ​ເງິນ​ກູ້ຂອງ​ສະມາຄົມ​ຂົນ​ສົ່ງ​ໂດຍສານ ​ແລະ ການ​ເຊົ່າ​ທິດິນ​ຢູ່​ເມືອງ​ໝອກ ຖືກ​ຕ້ອງຕາ​ມລະບຽບການ​ຂອງ​ບໍລິສັດ​ໃຫຍ່​ວາງ​ອອກ.
  6. ​ໃຫ້​ບັນດາ​ບໍລິສັດ, ລັດ​ວິສາຫະກິດ​ຂົງ​ເຂດ​ ປທສ ​ແຂວງ​ຊຽງ​ຂວາງ ​ສືບ​ຕໍ່​ສຶກສາ ​ກ່ຽວ​ກັບບັນດາ​ນິຕິ​ກໍາ​ຂອງ​ກະຊວງ ປທສ ວາງ​ອອກຕື່ມ.
  7. ​ໃຫ້​ພະ​ແນ​ກ ປທສ ​ແຂວງ​ ຕອບ​ສະໜອງ​ບັນດາ​ນິຕິ​ກໍາຕ່າງໆທີ່​ກ່ຽວຂ້ອງ​ ໃຫ້​ບັນດາ​ບໍລິ​ສັດສາ​ຂາ ​ເພື່ອ​ເປັນບ່ອນ​ອີງ​ໃນ​ການຈັດ​ຕັ້ງປະຕິບັດຕໍ່​ໄປ.

ກອງ​ປະຊຸມ​ໄດ້​ປິດ​ລົງ​ໃນ​ເວລາ 16 ​ໂມງ 10 ນາທີ

ປະຕິຖິນ

ຕຸລາ 2018
22
ຈັນ
13:09
BuaXua Calendar

ສະຖິຕິເຂົ້າຊົມ

214677
Today
Yesterday
This Week
Last Week
This Month
Last Month
All days
78
131
209
213647
2284
12176
214677

Your IP: 54.158.208.189
2018-10-22 06:09